Атырау қалалық білім бөліміне қарасты №54 “Айгүл” бөбекжай-бақшасында “Мектеп жасына дейінгі балалардың тілін дамытуда ойын технолониясының әдіс тәсілдері” тақырыбына практикалық семинар өткізілді. Тәжірибелі педагогтар өз тәжірибелерімен бөлісті. “ Ойнай отырып, тілді дамытамыз” тақырыбы бойынша циклограммадағы күн тәртібіне сәйкес балалармен қолданылған ойындардың көрнекіліктерімен, картотекасын әзірлеп әкеліп және видео көрністерін ортаға салды. “Ойындар қоржыны” бөлімі бойынша жас мамандар заманауи ойын түрлерінен ойын картотекасы және көрнекі құралдарын жасап әкеліп, жұмыстарын қорғап шықты. Семинар барсында педагог - тәрбиешілер ұйымдастырылған іс-әрекеттерді кіріктіріп, ойын арқылы жүзеге асыру тиімді әдіс екенін зерделеді.
